ஏகத்துவ மெய்ஞ்ஞான சபை திருச்சி கிளையின் ஞான விளக்கக் கூட்டம் ஆத்மா சகோதரர் ஜனாப். பக்ருத்தீன் அலி அஹமது ஹக்கிய்யுல் காதிரிய்  அவர்கள் இல்லத்தில் இரவு 8 மணிக்கு திருச்சி அவைத்  தலைவர்  தமிழ்மாமணி. மௌலவி. N. அப்துஸ்ஸலாம் ஆலிம் ஹக்கிய்யுல் காதிரிய்  B.Com., அவர்கள் தலைமையில் நடைபெற்றது.
கூட்டத்தில் முதன்மையாக - சங்கைக்குரிய ஷைகு நாயகமவர்களின் திருக்கட்டளைற்கிணங்க, சிதறுண்ட சிந்தனைகளை ஓர்முகப்படுத்துவதற்கு மூற்று நிமிட நேரம் மௌனம் அனுஷ்டிக்கப்பட்டது.
மௌலவி. சத்தார்கான் ஆலிம் யாசீனிய் ஹக்கிய்யுல் காதிரிய்  கிராஅத் ஓதினார். A. நைனார் முஹம்மது அன்சாரி ஹக்கிய்யுல் காதிரிய், M. பழ்ளுல் ஹக் ஹக்கிய்யுல் காதிரிய் ஆகியோர் ஏகானந்தப் பாடலைப்  பாடினர்.

தமிழ்மாமணி. மௌலவி. N. அப்துஸ்ஸலாம் ஆலிம் ஹக்கிய்யுல் காதிரிய்  B.Com., அவர்கள் தம் தலைமையுரையில், கண்மணி நாயகம் ஸல்லல்லாஹு அலைஹி வஸல்லம் அவர்களின் அருஞ்சிறப்புகளையும் - அற்புதங்களையும் எடுத்துக்கூறினார்கள்.

அடுத்ததாக, மத்ரஸதுல் ஹஸனைன் பீ ஜாமிஆ யாசீன் அரபிக்கல்லூரியின் பேராசிரியர் மௌலவி. N. முஹம்மது ரபீஉத்தீன் ஆலிம் நூரி  ஹக்கிய்யுல் காதிரிய் அவர்களும் ஜமால் முஹம்மது கல்லூரி அரபுமொழித் துறை பேராசிரியர் முஹியுத்தீன் அப்துல் காதிர் அவர்களும் ஸல்லல்லாஹு அலைஹி வஸல்லம் அவர்களின் தனிச் சிறப்புகள் பற்றியும் அவர்கள் மீது அளப்பரிய அன்பு கொண்ட சங்கைக்குரிய சஹாபாக்கள் பற்றியும் உரையாற்றினர்.
கூட்டத்தில் திருச்சியைச் சேர்ந்த முரீதுகளும் அஹ்பாபுகளும் கலந்து கொண்டார்கள்.

தௌபா பைத் மற்றும் துஆ - சலவாத்துடன் கூட்டம் நிறைவு பெற்றது.

தகவல் : A . நைனார் முஹம்மது அன்சாரி M.A. ஹக்கிய்யுல் காதிரிய், திருச்சி.

ஏகத்துவ மெய்ஞான சபை திருச்சி கிளை சார்பில் 13.01.2013 ஞாயிற்றுக்கிழமை மாலை 05.15 மணி அளவில் மௌலவி N . சயீத் முஹம்மது ஆலிம் மிச்பாஹி ஹக்கிய்யுல் காதிரிய் அவர்கள் இல்லத்தில் நடைபெற்றது. சங்கைக்குரிய ஷைகு நாயகமவர்களின் உத்தரவிற்கிணங்க, சிதறுண்ட சிந்தனைகளை ஓர்முகப்படுத்தும் விதமாக  3 நிமிட மௌன அனுஷ்டானத்திற்கு பிறகு, வழக்கம் போல் கூட்டம் தொடங்கியது.

ரபீஉல் அவ்வல் மாதம் என்பதால், கூட்டத்தில் பேசுவோர் அனைவரும் பெருமானார் ஸல்லல்லாஹு அலைஹி வஸல்லம் அவர்களைமையப்படுத்தி பேசினார்கள்.
தலைமை உரையில், மௌலவி. N . அப்துஸ்ஸலாம் ஆலிம் Bcom ஹக்கிய்யுல் காதிரிய் அவர்கள், பெருமானார் ஸல்லல்லாஹு அலைஹி வஸல்லம் அவர்கள்  உள்ரங்கத்திலும் வெளிரங்கத்திலும் ஹக்காகவே உள்ளார்கள் என்றும் - தன்ஜீஹாஹவும் தஸ்பீஹாஹவும் இலங்குகிறார்கள் என்றும் ஞானத்  தேடல் உள்ளவர்களுக்கும் - மற்றுமுள்ள படைப்பினங்கள் அனைத்திற்கும் பெருமானார் ஸல்லல்லாஹு அலைஹி வஸல்லம் அவர்கள் தாம் எழில் மிகு எல்லையாக உள்ளார்கள் என்றும் எடுத்துரைத்தார்கள்.

அடுத்து பேசிய மௌலவி. சத்தார் கான் ஆலிம் யாஸீனிய் அவர்கள், பெருமானார் ஸல்லல்லாஹு அலைஹி வஸல்லம் அவர்களின் நூரே  முஹம்மதிய்யாவின் சிறப்புகளையும் அவற்றை நாம் எவ்வாறு விளங்கிக்கொள்ள வேண்டும் என்றும் எடுத்துரைத்தார்.