ஏகத்துவ மெய்ஞ்ஞான சபை - Blogs #Kuwait

Meelad Function at Kuwait on 24-1-2014

Fri, 24 Jan 2014 02:41:55 +0000

Kuwait Meelad celebration will be started at 5:30 PM till 8:00 PM on 24-Jan-2014.

பராஅத் துஆ (பிரார்த்தனை)

Mon, 24 Jun 2013 06:20:38 +0000

அஷ்ஷைகுல் காமில் குத்புஸ்ஸமான் ஷம்ஸுல் வுஜூத் ஜமாலிய்யா ஸய்யிது கலீல் அவ்ன் மௌலானா அல்ஹஸனிய்யுல் ஹாஷிமிய் நாயகம் அவர்கள் அருளிய துஆ.

     யா அல்லாஹ்!   உன் பொருட்டாலும் இந்த பராஅத்தின் பொருட்டாலும், பெருமானார் ஸல்லல்லாஹு அலைஹி வஸல்லம் அவர்கள் பொருட்டாலும், அவர்களுக்கு முன் வந்த நபிமார்கள் பொருட்டாலும், ரஸூல்மார்கள் பொருட்டாலும், பெருமானார் ஸல்லல்லாஹு அலைஹி வஸல்லம் அவர்களின் கலீபாக்களான அபூபக்கர் ஸித்தீக் (ரலியல்லாஹு அன்ஹு), உமர் (ரலியல்லாஹு அன்ஹு), உஸ்மான் (ரலியல்லாஹு அன்ஹு), அலீ (ரலியல்லாஹு அன்ஹு) ஆகியோர் பொருட்டாலும், பதுறு ஸஹாபாக்கள் பொருட்டாலும், ஏனைய ஸஹாபாக்கள் பொருட்டாலும், பாத்திமா நாயகி (ரலியல்லாஹு அன்ஹா) அவர்கள் பொருட்டாலும், ஹஸன் (ரலியல்லாஹு அன்ஹு) அவர்கள் பொருட்டாலும், ஹுஸைன் (ரலியல்லாஹு அன்ஹு) அவர்கள் பொருட்டாலும், குதுபு நாயகம் அப்துல் காதிர் ஜீலானி (ரஹ்மதுல்லாஹி அலைஹி) அவர்கள் பொருட்டாலும், அவர்களுக்கு முன் வந்த - பின் வந்த குதுபுமார்கள், வலீமார்கள் பொருட்டாலும், ஷாஹுல் ஹமீது நாயகம் (ரலியல்லாஹு அன்ஹு) அவர்கள் பொருட்டாலும், எமது பாட்டனார் ஜமாலிய்யா மெளலானா (ரலியல்லாஹு அன்ஹு) அவர்கள் பொருட்டாலும், எம் தந்தை நாயகம் ஜமாலிய்யா ஸய்யித் யாஸீன் மெளலானா (ரலியல்லாஹு அன்ஹு) அவர்கள் பொருட்டாலும், எம் முரீத்களுக்கும், எம் முரீத்களின் மனைவி மக்களுக்கும், அவர்களின் குழந்தைகளுக்கும், பேரப்பிள்ளைகள், தாய் தந்தையருக்கும், அவர்களுக்கு உதவியாகவுள்ள அண்ணன் தம்பிமார்களுக்கும், அவர்களின் உதவியாளர்களுக்கும், எம் மனைவி மக்கள், அவர்கள் பிள்ளைகள், அண்ணன்மார், அவர்கள் பிள்ளைகள், அவர்கள் குடும்பத்தார், உற்றார் உறவினர், உதவியாளர்கள், பேரப்பிள்ளைகள் யாவருக்கும்.....

     யா அல்லாஹ்! நல்ல சந்தோஷ¬ வாழ்வையும், நோயற்ற பூரண சுகத்தையும், கொடிய நோய்கள் நம்மை அணுகாமலும், ஆபத்து எம்மை அணுகாமலும், உடலிலே நல்ல சக்தியையும், எம் ஐம்புலன்களும் சிறப்புடன் செயற்படும் தன்மையையும் தந்தருள்வாயாக!

     அல்லாஹ்வே! நம் அனைவருக்கும் நீடிய ஆயுளைக் கொடுப்பாயாக! கொடிய நோய்வாய்ப்பட்டுக் கஷ்டப்படுவோருக்குப் பூரண சுகத்தைக் கொடுத்தருள்வாயாக! பரக்கத்தையும் செழிப்பையும் துன்பமற்ற வாழ்வையும் துயரற்ற வாழ்வையும் கவலையற்ற வாழ்வையும் அல்லாஹ் நீ தந்தருள்வாயாக!

     நின்றிருக்கும் வியாபாரம் கடல்மடைபோல திறக்கப்பட்டு எங்கும் செழிப்பான வியாபாரம் நடந்து நம் பிள்ளைகளின் வாழ்வைச் செழிப்பாக்கி வைப்பாயாக, நம் பிள்ளைகள் செல்வச் செழிப்புடன் வாழ அருள்பாலிப்பாயாக! குடும்பங்கள் கோபம், பொறாமை முதலானவைகள் நீங்கி ஒற்றுமையுடன் வாழ அருள்பாலிப்பாயாக!

     நீதி, நியாயம், நேர்மை, உண்மை, மனவலிமை ஆகியவைகளை எமக்குத் தந்து மக்கள் மத்தியிலே எம்மை உயர்ந்தவர்களாக்குவாயாக!

     உன் உயர்வு மிக்க பெருமானார் ஸல்லல்லாஹு அலைஹி வஸல்லம் அவர்களை நம் உயிரினும் மிக்கவர்களாக அன்பு கொண்டு அவர்களை உயர்வுபடுத்திப் பேசும் சுகமான நாவையும் அவர்களை உயர்த்திப்பாடும் அழகான பாவையும் அவர்களின் உறுதியையும் உயர்ந்த ஈமானையும் தந்தருள்வாயாக! அவர்களுக்காக தம்மைத் தியாகஞ் செய்யும் உயர்ந்த பண்பையும் உடல் சக்தியையும் தந்தருள்வாயாக!

     யா அல்லாஹ்! பெருமானார் ஸல்லல்லாஹு அலைஹி வஸல்லம் அவர்களை எதிர்த்து அவர்களை இழிவுபடுத்தி அந்நியர் பணத்தில் வாழும் இஸ்லாத்திலுள்ள இஸ்லாத்தின் எதிரிகளைப் பிடுங்குவாயாக! இஸ்லாத்தின் பரிசுத்தத்தை மாசுபடுத்தி அந்நியர் மத்தியில் இழிவுபடுத்தும் இஸ்லாமிய துரோகிகளைச் சித்திரவதைக்குள்ளாக்குவாயாக! கொடிய நோய்களால் பீடிக்கப்பட்டு இழிவுற்று அழிந்து மடியச் செய்வாயாக!

     அல்லாஹ்வே உனக்காக உன் நபிக்காக, உன் ஊழியர்களுக்காக வாழ்ந்து வரும் உன் தியாகிகளுக்கு பூரண நல்வாழ்வும் நீடிய ஆயுளும் அளவற்ற சந்தோஷமும் நோயற்ற சுகவாழ்வும் அருள்வாயாக!

     ஆமீன் யாரப்பல் ஆலமீன். வல்ஹம்து லில்லாஹி ரப்பில் ஆலமீன்.

ஏகத்துவ மெய்ஞான சபை - குவைத் கிளை.

குவைத் - கண்மணி நாயகம் (ஸல்) அவர்களின் உதயதின விழா

Sun, 10 Feb 2013 05:50:51 +0000

குவைத் ஏகத்துவ மெய்ஞ்ஞான சபையில் சுப்ஹான மௌலிது ஷரீப் ஓதப்பட்டு கண்மணி நாயகம் (ஸல்) அவர்களின் உதயதின விழா 8/2/2013ஆத்ம சகோதரர் P.T.M.அப்துல் ஹமீது ஹக்கிய்யுள் காதிரி அவர்கள் இல்லத்தில் நடைபெற்றது.

நிகழ்ச்சியின் ஆரம்பமாக கிராத் - ஆத்ம சகோதரர் நத்தார் ஷா ஹக்கிய்யுள் காதிரி

நபிப் புகழ்பா - ஆத்ம சகோதரர் ரபிக் ஹக்கிய்யுள் காதிரி மற்றும் அப்துல் ஹமீது ஹக்கிய்யுள் காதிரி

நபிப் புகழ்பா - அப்துல் ஹமீது ஹக்கிய்யுள் காதிரி

தலைமை உரை தலைவர் ஆத்ம சகோதரர் அப்துல் ஹமீது (பாகவி) ஹக்கிய்யுள் காதிரி அவர்கள்.

இலங்கை மிலாது நிகழ்ச்சில் கலந்த கொண்ட ஆத்மா சகோதர் அமானுல்லாஹ் ஹக்கிய்யுள் காதிரி உரை

இலங்கை மிலாது நிகழ்ச்சில் கலந்த கொண்ட ஆத்மா சகோதர் ஷபீர் ஹக்கிய்யுள் காதிரி உரை

இலங்கை மிலாது நிகழ்ச்சில் கலந்த கொண்ட ஆத்ம சகோதரர் S.M. ஷஃபியுல்லாஹ் ஹக்கிய்யுள் காதிரி கவிதை மற்றும் உரை

இறுதியாக இலங்கை மிலாது நிகழ்ச்சில் கலந்த கொண்டஆத்ம சகோதரர் P.T.Mஅப்துல் ஹமீது ஹக்கிய்யுள் காதிரி உரை

நன்றி உரை ஆத்ம சகோதரர் அப்துல் ஹமீது ஹக்கிய்யுள் காதிரி

இறுதியில் கலந்து கொண்டோர் அனைவருக்கும் தப்ரூக் மற்றும் இரவு உணவு வழங்கப்பட்டது

கண்மணி நாயகத்தின் கனிவான மாதம்

Thu, 17 Jan 2013 05:38:02 +0000

முத்திரை நபி!!!
பிறை-5

ஹதீஸ்

ஜாபிர் (ரலி) அறிவித்தார்கள், என் தந்தை, தம் மீது கடனிருக்கும் நிலையில் இறந்துவிட்டார். எனவே, நபி (ஸல்) அவர்களிடம் வந்து, என் தந்தை தம் மீது கடனை (அடைக்காமல்) அப்படியேவிட்டுச் சென்றார். என்னிடம் அவரின் பேரிச்ச மரங்களின் விளைச்சலைத் தவிர வேறெதுவும் இல்லை. அந்தப் பேரிச்ச மரங்களின் பல ஆண்டுகளின் விளைச்சல் கூட அவரின் மீதுள்ள கடனை அடைக்கும் அளவிற்கு எட்டாது. எனவே, கடன்காரர்கள் என்னைக் கடும் சொற்களைப் பயன்படுத்தி ஏசாமளிருப்பதற்காக நீங்கள் என்னுடன் வாருங்கள் என்று சொன்னேன். நபி (ஸல்) அவர்கள் (என்னுடன் வந்து) பேரிச்சம் பழங்களைச் சேமித்துக் காய வைக்கும் களங்களில் ஒன்றைச் சுற்றி நடந்து (பரக்கத் எனும் அருள்வளம் வேண்டி) பிரார்த்திதார்கள். பிறகு மற்றொரு களத்தையும் சுற்றி நடந்தார்கள். (பிறகு அருள்வளம் வேண்டி பிரார்த்திதார்கள்) பிறகு அதன் அருகில் அமர்ந்து கொண்டு, அதை வெளியே எடுங்கள் என்று கூறினார்கள். கடன்காரர்களுக்குச் சேர வேண்டியதை நிறைவாகக் கொடுத்தார்கள். அவர்களுக்கு கொடுத்த அதே அளவுக்கு அது மீதமாகி விட்டது. புகாரி - 3580.

குவைத் ஏகத்துவ மெய்ஞான சபையின் சார்பாக கண்மணி நாயகம் (ஸல்) அவர்களின் மாதமான ரபீவுள் அவ்வள் பிறை-5 முன்னிட்டு அவர்களின் சிறப்புகளை போற்றும் சுப்ஹான மௌலிது ஷரீப் ஆத்ம சகோதரர் முஹம்மத் ஹாஷிம் அவர்கள் இல்லத்தில் நடைபெற்றது.

நிக‌ழ்ச்சியின் முடிவில் அனைவருக்கும் தப்ரூக் மற்றும் இரவு உணவு வழங்கப்பட்டது.

கண்மணி நாயகத்தின் கனிவான மாதம்

Wed, 16 Jan 2013 06:05:53 +0000

முத்திரை நபி!!!

பிறை-4

ஹதீஸ்:

அனஸ் இப்னு மாலிக் (ரலி) அறிவித்தார்கள்,நபிகள் நாயகம் (ஸல்) அவர்கள் உம்மு சுலைம் அவர்களின் வீட்டிற்க்கு வந்து அவர்களுக்கு என்று விரித்து வைக்கப்பட்ட விரிப்பில் ஒய்வு எடுப்பதை வழக்கமாகக் கொண்டிருந்தார்கள், வழக்கம் போல் ஒரு நாள் கண்மணி நாயகம் (ஸல்) அவர்கள் வந்து அந்த விரிப்பில் படுத்து ஒய்வு எடுத்தார்கள். உம்மு சுலைம் அவர்கள் வீட்டிற்க்கு திரும்பியதும் நபி (ஸல்) அவர்கள் ஒய்வு எடுப்பது அறிவிக்கப் பட்டது. அவர்கள் சென்று பார்த்த பொழுது பெருமானார் (ஸல்) அவர்களுக்கு கடுமையான வியர்வை ஏற்பட்டிருந்தது, அதனால் கீழே விரிக்கப்பட்டிருந்த விரிப்பு முழுவதும் நனைந்து காணப்பட்டது. உடனே அந்த அம்மையார் ஒரு காலியான பாட்டிலை எடுத்துக்கொண்டு அந்த துணியைப் பிழிந்து அந்தப் புனிதமான வியர்வையை காலியான பாட்டிலில் நிரப்பிக் கொண்டிருந்தார். நாயகம் (ஸல்) அவர்கள் திடுக்கிட்டு விழித்து அந்தப் பெண்மணியிடம், என்ன செய்கின்றீர் உம்மு சுலைமே? என்று வினவினார்கள். அவர்கள் கூறினார்கள் : இறைத்தூதர் அவர்களே! இந்த வியர்வையினுடைய அபிவிருத்தி (பரக்கத்) எங்களுடைய பிள்ளைகளுக்கு கிடைக்கும் என்று நாங்கள் நம்புகின்றோம். நபி (ஸல்) அவர்கள் நீ சரியாகக் கூறினாய் என்று கூறினார்கள். முஸ்லிம் - 5762 .

குவைத் ஏகத்துவ மெய்ஞான சபையின் சார்பாக கண்மணி நாயகம் (ஸல்) அவர்களின் மாதமான ரபீவுள் அவ்வள் பிறை-4 முன்னிட்டு அவர்களின் சிறப்புகளை போற்றும் சுப்ஹான மௌலிது ஷரீப் ஆத்ம சகோதரர் முஹம்மத் ஹாஷிம் அவர்கள் இல்லத்தில் நடைபெற்றது.

நிக‌ழ்ச்சியின் முடிவில் அனைவருக்கும் தப்ரூக் வழங்கப்பட்டது.

கண்மணி நாயகத்தின் கனிவான மாதம்

Wed, 16 Jan 2013 05:59:03 +0000

முத்திரை நபி!!!
பிறை-3

ஹதீஸ்:

அனஸ் இப்னு மாலிக் (ரலி) அறிவித்தார்கள்,நபிகள் நாயகம் (ஸல்) அவர்கள் வழக்கம்போல் தங்களுடைய சுப்ஹு தொழுகையை முடித்தவுடன் மதினா வாசிகள் தண்ணீர் நிரப்பிய தங்களுடைய பாத்திரத்தை நபி (ஸல்) முன்னர் வைப்பார்கள். நபி (ஸல்) அவர்கள் தங்களுக்கு முன் வைக்கப்பட்ட ஒவ்வொரு பாத்திரத்திலும் பரக்கத்திற்காக தம் திருக்கரங்களை தண்ணீரினுள் அமிழ்த்தி எடுப்பார்கள். குளிர்ந்த நீர் உள்ள பாத்திரமாக இருந்தாலும் அதிலே தம் திருக்கரங்களை அமிழ்த்துவார்கள். ஸஹிஹ் முஸ்லிம்.

குவைத் ஏகத்துவ மெய்ஞான சபையின் சார்பாக கண்மணி நாயகம் (ஸல்) அவர்களின் மாதமான ரபீவுள் அவ்வள் பிறை-3 முன்னிட்டு அவர்களின் சிறப்புகளை போற்றும் சுப்ஹான மௌலிது ஷரீப் ஆத்ம சகோதரர் முஹம்மத் ஹாஷிம் அவர்கள் இல்லத்தில் நடைபெற்றது.

நிக‌ழ்ச்சியின் முடிவில் அனைவருக்கும் தப்ரூக் வழங்கப்பட்டது.

கண்மணி நாயகத்தின் கனிவான மாதம்

Wed, 16 Jan 2013 05:51:49 +0000

முத்திரை நபி!!!

பிறை-2

ஹதீஸ்:

ஹதீஸ்ஸைப் இப்னு யஜித் (ரலி) அறிவித்தார்கள்,என்னுடைய சிறிய தாய் என்னை அழைத்துக் கொண்டு இறைத்தூதர் (ஸல்) அவர்களிடத்தில் சென்று கூறினார்கள்: நபிகள் பெருமானே! என்னுடைய சகோதரியின் மகனான இவனுக்கு காலில் நோவு உள்ளது. ஆகையால் கண்மணி நாயகம் (ஸல்) அவர்கள் தங்களின் திருக் கரத்தினை என் தலையில் வைத்து தடவி விட்டார்கள். மேலும் இறைவனின் அருளிற்காக பிரார்த்தனை செய்தார்கள். பிறகு நபிகள் நாயகம் (ஸல்) அவர்கள் ஒளுச் செய்தார்கள், அவர்கள் ஒளுச் செய்த தண்ணீரை நான் குடித்தேன். பிறகு நான் அவர்களுக்கு பின்புறம் நின்று நபித்துவ முத்திரையை அவர்களின் இரண்டு புஜங்களுக்கும் இடையில் பார்த்தேன். அது ஒரு கூடாரத்தின் பொத்தானைப் போல் இருந்தது. ஸஹீஹ் முஸ்லிம்.

குவைத் ஏகத்துவ மெய்ஞான சபையின் சார்பாக கண்மணி நாயகம் (ஸல்) அவர்களின் மாதமான ரபீவுள் அவ்வள் பிறை-2 முன்னிட்டு அவர்களின் சிறப்புகளை போற்றும் சுப்ஹான மௌலிது ஷரீப் ஆத்ம சகோதரர் துறையூர் சபியுல்லாஹ் அவர்களின் இல்லத்தில் நடைபெற்றது.

கண்மணி நாயகத்தின் கனிவான மாதம்

Wed, 16 Jan 2013 05:33:27 +0000

முத்திரை நபி!!!

பிறை-1

தினமும் ஒரு ஹதீஸ்:

ஜுபைர் இப்னு முத்யிம் (ரலி) அறிவித்தார்கள்,இறைத் தூதர் (ஸல்) அவர்கள் கூறினார்கள்:எனக்கு ஐந்து பெயர்கள் உள்ளன. நான் முஹம்மத் - புகழப்பட்டவர் ஆவேன், நான் அஹ்மத் - இறைவனை அதிகம் புகழ்பவராவேன், நான் மாஹு - அழிப்பவர் ஆவேன் (என் மூலமாக இறைவன் இறைமறுப்பை அழிக்கிறான்), நான் ஹாஷிர் - ஒன்று திரட்டுபவராவேன் (மக்கள் எனக்குப் பின்னால் ஒன்றுதிரட்டப்படுவார்கள்), நான் ஆம்ப் - (இறைத்தூதர்களில்)இறுதியானவராவேன். (புஹாரி - 3532).

குவைத் ஏகத்துவ மெய்ஞான சபையின் சார்பாக கண்மணி நாயகம் (ஸல்) அவர்களின் மாதமான ரபீவுள் அவ்வள் பிறை-1 முன்னிட்டு அவர்களின் சிறப்புகளை போற்றும் சுப்ஹான மௌலிது ஆத்ம சகோதரர் முஹம்மத் ஹாஷிம் அவர்கள் இல்லத்தில் நடைபெற்றது.

இராத்திபத்துல் காதிரிய்யா - குவைத்

Sun, 30 Dec 2012 07:11:57 +0000

குவைத் ஏகத்துவ மெய்ஞ்ஞான மெய்ஞ்ஞானசபையில் டிசம்பர் 27 வியாழக்கிழமை மாலை பிறை 14 ராத்திபு ஆத்ம சகோதரர் ஜாபார் அலி யாசினிய் ஹக்கிய்யுள் காதிரி அவர்கள் இல்லத்தில் சிறப்பாக நடைபெற்றது.

மௌலானா அப்துல் ஹைஈ அவர்களின் சிறப்பு உரை

ஆத்ம சகோதரர் அப்துல் ஹமீது (பாகவி) ஹக்கிய்யுள் காதிரி அவர்களின் உரை

கலந்து கொண்டோர் அனைவருக்கும் தப்ரூக் மற்றும் இரவு உணவு வழங்கப்பட்டது

ஆஷீரா தின சிறப்பு கூட்டம் - குவைத்

Sun, 25 Nov 2012 05:30:07 +0000

குவைத் ஏகத்துவ மெய்ஞ்ஞான சபையில் நவம்பர் 23 வெள்ளிக்கிழமை மாலை இமாம் ஹஸன் (ரலி ) மற்றும் இமாம் ஹுசைன் (ரலி) அவர்களுடைய மவ்லிது சரீஃப் ஓதப்பட்டு அவர்களின் கந்துாரி ‌கொண்டாடும் விதமாக ஆஷீரா தின சிறப்பு கூட்டம் நடைபெற்றது.

நிகழ்ச்சியின் சிறப்பு விருந்தினராக மௌலானா அப்துல் ஹைஈ அவர்களை வரவேற்றி ஆத்ம சகோதரர் அப்துல் ஹமீது (பாகவி) ஹக்கிய்யுள் காதிரி அவர்கள் தலைமை உரை நிகழ்த்தினார்

மௌலானா அப்துல் ஹைஈ அவர்கள் கர்பலாவிற்கான காரணங்களும் போரின் நிகழ்வுகளும் பற்றி உரை நிகழ்த்தினார்.

ஆத்ம சகோதரர் ஜாபார் அலி யாசினிய் கர்பலா பற்றி உரை நிகழ்த்தினார்.

அதை தொடர்ந்து இமாம் ஹஸன் (ரலி) இமாம் ஹுசைன் (ரலி) புகழ்பாடலை அமானுல்லாஹ் ஹக்கியுல்காதிரி பாடினார்.

இந்நிகழ்ச்சி ஆத்ம சகோதரர்ஜாபார் அலி யாசினிய் இல்லத்தில் மிகச் சிறப்பாக நடைபெற்றது.